3rd International Choral Celebration & Laurea Mundi Budapest

Grand Prix of Choral Music

Fotogallery "BEST OF" Budapest 2018 ->

 

S. Cristina, 27.05.2018

Cor di Jëuni Gherdëina a Budapest

L fin dl ena de Pasca de Mei à l Cor di Jëuni Gherdëina fat pea pra l cuncors y festival nternazionel „Laurea mundi“ a Budapest.

Scumencià à l festival n vënerdi sëira cun l „Opening Gala Concert“ ulache l Cor di Jëuni Gherdëina à pudù cianté deberieda cun set autri cores y ensembles cunesciui, sciche la „Real Group“, tla beliscima sala „Béla Bartók National Concert Hall“ tl Müpa Festival Theatre. Da nuëmber incà se à i ciantarins y la ciantarines njenià ca cun gran mpëni y lezitënza per fé pea tla categories „Mixed choir“ y „Pop/Jazz/Spiritual/Modern“. L cor à purtà dant a la giuria de ndut ot pec a cappella, danter l`auter l „Ave Maria“ de Claudio Kerschbaumer de S.Cristina. Danter proes, cuncorsc y cunzerc à i ciantarins y la ciantarines mpo abù dlaurela de jì a ti cialé a la bela zità de Budapest y sté n cumpania. L ultimo di ie unì cunedì i resultac sun chëi che duc aspitova bele ert. L Cor di Jëuni Gherdëina ie unì valutà te duta doi categories cun „Laurea Summa cum Laude“. Ala giuria ti à plajù dassënn l sonn mujel y l`armonia danter la ujes. N gran unëur y povester la majera legrëza per duc ie stat l premio „Special Prize for outstanding achievement as conductor“ che ie jit al dirighënt Samuel Runggaldier per si gran cumpetënza à mené l cor.
Do la premiazion à l Cor di Jëuni Gherdëina pudù cunëscer l „Samford University a cappella choir“ dl USA che ie stat l mieur cor te trëi categories. Ciantan deberieda l pez „Deep River“ à i ciantarins y la ciantarines pudù sentì coche la mujiga lieia. Chësc viac ie stat na beliscima esperienza per duc i cumëmbri dl cor y na bela ucajion ënghe per crëscer adum sciche grupa.
Śën se ncunforta l cor bele dassënn a cianté trëi cunzerc chësc fin dl`ena: n juebia ai 31 de mei dala 19.30 a Badia, n vënerdi ai 1. de juni dala 19.30 a Laion y n sada ai 2 de juni dala 20.30 a S.Cristina, for te dlieja. Duc ie de cuer nviei a unì a scuté su.

Johanna Kostner
Valentine Runggaldier

 

 

 

Cor di Jëuni Gherdëina begeistert in Budapest

Beim internationalen Chorwettbewerb in Budapest (18.-22. Mai) hat der Cor di Jëuni Gherdëina (CdjG) erneut so richtig abgeräumt.

In der Kategorie „Mixed Choirs“ erzielte der Chor mit den Titeln „Domine Dominus Noster“, „A Spotless Rose“, „Ave Maria“ und „Start of the County Down“ die Bewertung „Laurea Summa cum Laude“, genauso wie in der Kategorie „Pop, Jazz, Gospel, Spiritual, Modern“, in welcher er die internationale Jury mit den Titeln “Penty Good Room“, „Deep River“, „I can tell the World“ und „Wade in the Water“ begeistern konnte.

Dirigiert wurde der Chor beim Festival in Ungarn vom Dirigenten Samuel Runggaldier, welcher von der Jury als bester Dirigent gewertet wurde und den Spezialpreis für außergewöhnliche Leistungen als Dirigent überreicht bekam.

Nach monatelanger Vorbereitung und zahlreichen Proben, machte sich die Ausdauer der Sängerinnen und Sänger bezahlt; sie wurde mit der höchst möglichen Bewertung beim Chorwettbewerb in Budapest honoriert.

Doch nicht nur das Chor Festival steht beim CdjG im Frühjahr auf dem Programm. Erst kürzlich gab er ein Konzert in St. Ulrich zusammen mit dem Männerchor Sasslong, dem Ladinia Women’s Chorus und der Formation Joy in Harmony aus Wössingen, Deutschland.

Nach dem großen Erfolg und der ausgesprochen guten Bewertung beim Chor Festival in Budapest geht es nun mit drei Konzerten in Südtirol weiter. Am 31. Mai tritt der Chor mit einem facettenreichen Repertoire, welches unter anderem für den Wettbewerb in Budapest einstudiert wurde, in Abtei/Gadertal auf, am 01. Juni in Lajen und am 2. Juni in St. Christina/Gröden, jeweils in der Pfarrkirche.

lem - STOL, 22.05.2018

 

 

31/05/2018  Konzert in Badia/Abtei - 19:30 - Pfarrkirche

01/06/2018   Konzert in Lajen - 19:30 - Pfarrkirche

02/06/2018  Konzert in St. Christina - 20:30 - Pfarrkirche

ITW - Samuel Runggaldier, curt dan muever per la Ungaria

Da can incà se njënia pa l cor per chësc proiet y tan de ciantarins ie pa tl CDJG?
L cor metù adum da 28 ciantarines, 26 ciantarins y n dirighënt a scumencià cun la proves de nuvëmber 2017. L cunsëi a bele d'instà 2017 fat la prima sentedes per chësc proiet y la audizions per i nuef ciantarins fova ai primes de setëmber 2017.

Iel pa unic tëuc su truep de nuef ciantarins do l proiet tla Spania 2016 y ies’a cuntënt cun l cor co che l ie sen?
Per chësc proiet ie stai tëuc su 22 ciantarins nueves, nsci sons inò ruvei a la bela cumpëida de 55 cumëmbri sciche l proiet da dant. Cun l cunsëi ons fat ora de nia vester deplù, a na maniera che on lerch tl local dla proves y te na curiera canche l ie da furné nzaul. Cun i ciantarins che ie sen pudons vester dassënn cuntënc ajache uni un porta si "Charakter" tl sonn dl cor. Ënghe sce son de tanc ie da me ora uni singul dassënn mpurtant tl cor. N pudëssa paredlé cun n Mosaik, sce mancia un o una po ne ie l dessëni nia cumplet. Ie speri che tl daunì resta l cor co che l ie sen po possen fé inant mo de beliscima mujiga de uni sort.

Te ciuna categories fej pa l CDJG pea dal cuncors nternaziunel “Laurea Mundi” a Budapest?
Nëus fajon pea te 2 categories, MODERN/JAZZ/GOSPEL ulache se prejenton cun 4 "Spirituals" y tla categoria MIXED CHOIRS ulache purton dant n program de 4 pec desfrënc, da vedla mujiga a mujiga moderna, a n Ave Maria scrit da Claudio Kerschbaumer de Gherdëina.

De reviers da la Ungaria possen audì l CDJG 3 iedesc tla Ladinia, cie program possa pa l publich tlo se aspité?
Ora de i pec che purton dant a Budapest dal cuncors ons nce tlo n program che va da Orlando di Lasso a Mendelssohn, da Spirituals a cianties profanes modernes. Mpue de uni culëur, perchël nce l titul dla lingia de cunzerc, "Colors of music".

Leprò sarà nce inò n pez per ladin che l cor ne à mo mei ciantà:
L ie n pez scialdi ciantà te nosta valeda ma dinrer te chësta verscion. La se trata dl pez cunesciù "Gherdëina Gherdëina" che cun l armunisazion de Hans Demetz de Sulé semeiel belau n autra ciantia davia che la “Hauptstimme” à l bas y l alt.

Co ie pa unides crisses ora la cianties de chësc proiet?
Te chësc program iel n valguna cianties che ëssi bel for ulù fé n di o l'auter cun n cor y po deberieda cun la vize-dirighënta Johanna Kostner ons cris ora n program che pudëssa passené per chësc cor y plajëi a duc.

N auter ann ie la festa di 10 ani dl cor, an pa bele pensà a cie che unirà fat per l jubileum?
A di l'aurità ne ei mo nia pensà scialdi a l proscimo proiet ajache n iede ulëssi dant finé via chësc. Vel ideies me ei sambën bele fat, una per ejëmpl fossa de fé n cunzert a cappella o povester cun band cun mujiga moderna/pop/spirituals te sala di cungresc y sëuraprò fé n program plu tlassich cun orchestra te dlieja l di do ntan na mëssa. Ma coche dit, chësta ie me na idea. Ulëssi ënghe mpue damandé i ciantarins sce zachei ëssa vel bona pruposta.

 

De gra per l ntervista!
Diego