5th Canta al mar – Festival Coral Internacional: INTERKULTUR

It's all in the name: "Canta al mar" is the title of the new festival which is part of the INTERKULTUR event series. Calella, a homey seaside resort located at the Spanish Costa del Maresme, will become the meeting place for choirs from all over the world.

Fotogallery "BEST OF" Calella/Barcelona 2016 ->

Mixed Choirs - GOLD IV & Sacred Choir Music a cappella - SILVER X @ Canta al Mar 2016

Or y arjënt per l Cor di Jëuni Gherdëina al Cuncors Nternaziunel “Canta al Mar” tla Spania

Bel da belau n ann se anjeniova l CDJG ca al cuncors “Canta al Mar” a Calella dlongia Barcellona.
Ruá via ie l cor n mierculdi, l di dla giaurida dl Festival. L fova 49 cores da dut l mond che se muserova te desvariedes categories. N pudova se scrí ite al livel A1, l livel plu aut, o al livel A2. L Cor di Jëuni Gherdëina tuolava pert al Livel A1 te doi categories: “Sacral” y “Mixed Choirs” (cores mescedei) sota la bachëta de Samuel Runggaldier. La cianties per chesc cuncors fova unides crides ora dai ciantarins nstësc, bel da n ann, tres na vela online.

N juebia fova po bele l prim cuncors “Sacral” cun l pez a 12 ujes “Magnificat” de Andrea Gabrielli, la ciantia per rus e Pavel Chesnokov “Spaseniye sodelal (Salvation is Created)”, y l spiritual “Elijah Rock” de Moses Hogan. La premissa n chël di ne fova nia massa bona ajache n valgun ciantarins l ova dassen paieda l di dant cun l aria condizioneda dl fliegher y ova nsci perdú la usc. Purempó fova la motivazion dastramb granda de ulëi se purvé dassen a cianté bel. Jan daldò jú de paladina fova la sensazions mescededes. Sci la ova ben buta, ma propi defin cuntent ne fova l cor mpò no nia.
N vënerdi iel uni a sel de n cuncors de amizizia y chiche ulova pudova ji a scuté su autri cores che tulova pert ai cuncorsc. Nsci fovel bendebo jnel tlere che l cor Indonesian Diponegoro Universitiy Choir fova n cor de autiscim livel, che ciantova tla medema categories dl CDJG cun repertorio dastramb rie.
N vënerdi fova po la ndesfideda granda: “mixed choir” ie la majera categoria, ulache fesc pea i mieures cores. L pensier dan ji su sun l autere dla dlieja ulache l CDJG dassova se cuncé su per cianté fova: “Ti sonsa ben a ti teni boza a duc chisc bon cores? Assansa dassú se scrí ite tla categoria plu basa A2?” Ma no: sën fovela tan inant y basta. L ne dassova plu vester lerch per tel melsegurezzes. La cossa plu mpurtanta fova de jí su y mustré ciche se nascuend te n cor ora de na pitla valeda sciche Gherdëina.
Cun na dlieja tocia y pleina, y tamez bel cuncei via un dlongia l auter la giuria scumenciova l CDJG a cianté “Now is the month of maying” de Thomas Morley y snel do la ciantia ladina de Stefan Demetz “Do l tëmp”, ulache n cumëmber de la giuria ti univa nscí cer la ueia de balé pea. Daldó mo doi spirituals: “Down to the river” (arr. Philip Lawson) y l pez rie “I'm a train” (Albert Hammond, Mike Hazelwood, arr. Peter Knight). Ti uedli dla giuria pudoven liejer che i ne fova nia melcuntenc y la senzazion de i ciantarins y dl dirighent Samuel Runggaldier fova chesc iede bona.
Daldo ti tucovela al cor Indonesian de ji sun paladina. Sciche duc se aspitova ai fat na boniscima mprescion. Do ëi fovel po mo da scuté su cores dla Norvegia, dla Finlandia, y dla Lettonia. Un mieur dl auter.

L fova rie avei aspetatives per ciche reverda la valutazion dla giuria, nscí fova la premiazion dut me n sté sun odles.
Tla categoria “Sacral” à l CDJG pona venciú la bedaia de argjent (Silver X) canche l es manciá me n pont y mez a na bedaia de or. Purempò fova la legrëza granda. Ma la majera legrëza fova canche i 54 ciantarins y si dirighënt à audi che i ova venciú na bedaia de or (Gold 4) pra “Mixed Choir”, batui per feter me un n pont dai Indonesians, arjunjan l terzo mieur resultat de dut l cuncors.
La giuria ova dassen laudá la ntonazion y i legati, la capazita de passé da ujes scures a ujes linëuses aldò de coche l passnea miec. La a laudá ncë l dirighënt, dijan che l à l cor tla man y a sapú da se adaté bën al'acustica dla dlieja. La critiches negatives ie ruvedes plutosc dala giuria dla categoria “Sacral” che dijova che un n pez ne passnova nia tan ite, y auzan ora vel un o vel auter pitl fal che fova capitá y che ti à desturbà. Ma ncë iló ie uni laudá l bel ton compressif, l suné adum de la ujes y l carisma che l cor trasmet.
Na beliscima sodisfazion per duc i ciantarins, per Samuel y per l cunsëi, che a metú ite tan de mpeni y pascion tla preparazion a chesc Cuncors.

Ma sën ne iela mo nia fineda. L CDJG se anjenia ca per i cunzerc che unirá a sel de chësc fin dl ena:
N sada a Bulsan la Elieja Evangelica a Gries da la 20:00, n dumenia a Fié te dlieja da la 17:00 y n lunesc a Urtijei dla Dlieja San Durich da la 20:00. L CDJG se ncunforta a spartí cun parënc, cunescënc y apasciunei de mujiga la legrëza de chesta bela esperieza tla Spania che a purtá a tan bon resultat
Per finé via l ativitá de chest'ann tulerá l CDJG nce pert al cuncors a Dispruch Gesamttiroler Wertungssingen che unirá a sel de ai 13 de November tla sala “Innsbrucker Saal” da la 15:40.

Ingrid Demetz

N nuef proiet, na ndesfideda nueva per l Cor di Jëuni Gherdëina

Tosc iel tan inant: L Cor di Jëuni Gherdëina tulerà pert al cuncors “Canta al Mar” ulà che cores da dut l mond se ancunterà a Calella per cianté deberieda y se cunfrunté a livel mujichel.

Do i “World Choir Games” a Riga ulache l CDJG ova arjont n boniscimo resultat te doi categories fova la dumanda: “ciun sarà pa nosc proscim proiet”? Pusciblteies nen fovel truepes: tres la bedaia de or a Riga ëssa l cor abù la puscibltà de fé pea nce ai proscimi juesc olimpics a Sochi tla Ruscia. Do truep pensieres y sentedes, tenian n cunsciderazion sambën nce dla puscibiliteies finanzieles, se fova po l cunsëi cun si dirighënt Samuel Runggaldier a una, de fé pea pra l Festival “Canta al Mar” a Calella dlongia Barcellona tla Spania. La se trata de n Festival nternaziunel, metù a jì da “Interkultur”. Tlo se ancunterà cores da dut l mond per se goder de biei dis deberieda, ciantan y scutans su cunzerc de cores amatoriei. L festival pieta nce la puscibltà de se museré cun i autri boniscimi cores te n cuncors. Cun gran lezitënza y legrëza se njenià l cor ca a chësta gran ndesfideda ulache l sarà sun paladina te doi categories: una ie “Sacral” cun cianties sciche p. ej. l Magnificat a 12 ujes y te la categoria “Mixed Choirs” ulache l CDJG prejenterà danterlauter l bel pez de Stefan Demetz “Do l Tëmp”.
Per lauré ora miec l sonn dl cor y la ujes di 54 ciantarins, ie unida nvieda la ciantarina scialdi damandeda tlo te Südtirol Clara Sattler. Do iel nce unit a s’l de n fin dl'ena cun l dirighënt y referënt Andreas Gasser dl Austria, che a laurà ora vel detail cun l cor y à dat truep cunsëies al dirighënt dl CDJG Samuel Runggaldier.
L cor se ncunforta dassënn y spera che duc tënie i punies ntan che son a Calella te na maniera cla bute inò tant sciche a Riga.

Cie pa plu de bel che cianté n cësa?
Per finé via chësta esperienza se à l cor tëut dant de cianté mo trëi cunzerc: un a Bulsan, un a Fie y un a Urtijëi te dlieja. Tlo saral da audì pec ora dl program de Calella ma nia mé y sambën ne possa nia mancë n valgun pec per ladin.

Ingrid Demetz

Sëlva, 10.20.2016

ITW - Andreas Gassner

Andreas Gassner

Einige Fragen an Andreas Gassner nach unserem gemeinsamen Probewochenede.

Lieber Andreas, woher kommst du gerade?
Ich komme direkt vom Urlaub aus Venedig, drei Tage Sonne genießen - und jetzt Gröden.

Wohin geht es weiter?
Morgen geht es gleich wieder weiter zur nächsten Probe, in Bischofshofen mit meinem egenen Chor: Vox Cantabilis.

Was hast du erwartet bevor du hergekommen bist?
ich kenne euch schon längere Zeit durch den Samuel, habe auch schon viel von euch gehört und war sehr gespannt auf die Proben.

Und wie war es dann?
Sehr genial muss ich sagen. Ein sehr motivierter Chor. Ein sehr guter Chor, sehr formbarer Chor. Ideal eigentlich. Ideal zum proben.

Kannst du den Chor mit drei Adjektiven beschreiben?
Sehr leistungsfähig, dynamisch, sehr breit gefächert - also vom Piano bis zum wirklich starken Fortissimo.

Woran sollen wir noch arbeiten?
Am meisten Arbeiten, von mir aus, ist im Klang vom Piano. Der Forte-Klang ist sehr groß, sehr mächtig, sehr strahlend und diese Strahlkraft sollte man auch im Piano haben. Da würde ich noch dran arbeiten.

Welche Stücke haben dir am besten gefallen?
Sie sind alle sehr individuell. Das Magnificat finde ich genial, denn man hört dieses Magnificat einfach sehr selten. Das hat mich am meisten fasziniert. Aber auch das ladinische Lied, Do L Tëmp, hat mir gefallen.

Was kannst du über unseren Dirigenten Samuel Runggaldier sagen?
So ein Chor zu leiten ist nich einfach, weil es aus sehr vielen guten Sängerinnen und Sängern besteht. Die Sänger wollen gefordert werden und das ist für den Chorleiter eine enorme Herausforderung. Und das macht der Samuel sehr gut. Das merkt man auch daran, dass so ein Probewochenende überhaupt möglich ist, dass die Leute kommen. Wenn die Leute nicht gefordert werden, kommen sie nicht mehr.

Was wünschst du dem CDJG?
Ich wünsche toi, toi, toi für die nächsten Vorhaben, für die Wettbewerbe, einmal in Tirol und Barcellona. Ich werde euch die Daumen halten. In Barcellona werde ich es wahrscheinlich nicht schaffen, dass ich dabei bin, aber in Tirol möglicherweisen schon.